അത്തോളി: പന്തലായനി ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി 25 ലക്ഷം രൂപ ചെലവിട്ട് നിർമ്മിച്ച അത്തോളി അടുവാട് സാംസ്കാരിക നിലയം കെട്ടിടം ഉദ്ഘാടനം ചെയ്തു. പന്തലായനി ബ്ലോക്ക് പ്രസിഡണ്ട് പി.ബാബുരാജ് ഉദ്ഘാടന കർമ്മം നിർവഹിച്ചു. അത്തോളി ഗ്രാമപഞ്ചായത്ത് പ്രസിഡണ്ട് ബിന്ദു രാജൻ അദ്ധ്യക്ഷത വഹിച്ചു. കെട്ടിടത്തിൻ്റെ പ്ലാൻ വരച്ച ഗോകുൽദാസ് തവരക്കാട്ടിൽ,കവിയും നാടകകൃത്തുമായ ബാലകൃഷ്ണൻ കൊടശ്ശേരി എന്നിവരെ ആദരിച്ചു. ബാലകൃഷ്ണൻ കൊടശ്ശേരിയുടെ പുസ്തകം വാർഡ് മെമ്പർ എ.എം.വേലായുധൻ ഏറ്റുവാങ്ങി.
കെ.ജീവാനന്ദൻ മാസ്റ്റർ (വികസന സ്റ്റാൻ്റിംഗ് കമ്മറ്റി പന്തലായനി ബ്ലോക്ക്) അഭിനീഷ്. കെ, (ആരോഗ്യ-വിദ്യാഭ്യാസ സ്റ്റാൻ്റിംഗ് കമ്മിറ്റി പന്തലായനി ബ്ലോക്ക്) സുനീഷ് നടുവിലയിൽ (ക്ഷേമകാര്യ സ്റ്റാൻ്റിംഗ് കമ്മറ്റി അത്തോളി ,ഗ്രാമപഞ്ചായത്ത്) സുധ കാപ്പിൽ (ബ്ലോക്ക് മെമ്പർ),വാസവൻ പൊയിലിൽ (മെമ്പർ അത്തോളി ഗ്രാമപഞ്ചായത്ത്), വിവിധ രാഷ്ട്രീയ പ്രതിനിധികളായ വി കെ.രമേശ് ബാബു, അജിത് കുമാർ, ടി കെ കരുണാകരൻ, സി.എം.സത്യൻ, ആദരവ് ഏറ്റുവാങ്ങിയ ഗോകുൽദാസ്ത വരക്കാട്ടിൽ, ബാലകൃഷ്ണൻ കൊടശ്ശേരി എന്നിവർ സംസാരിച്ചു. ബ്ലോക്ക് മെമ്പർ ബിന്ദു മഠത്തിൽ സ്വാഗതവും ഇ.രമേശൻ നന്ദിയും പറഞ്ഞു.
About the Author
