സോഡിയം അടങ്ങിയ ഭക്ഷ്യ പദാർത്ഥങ്ങളുടെ അമിത ഉപയോഗം കാരണം ഹൃദയ സംബന്ധിയായും കിഡ്നി സംബന്ധമായും ഉള്ള രോഗങ്ങളും
മരണ സംഖ്യയും വർദ്ധിച്ചു വരുന്നതായി പഠനം. ഉപ്പിൻ്റെ ഉപയോഗം ലോകാരോഗ്യ സംഘടനയുടെ ശുപാർശ പ്രകാരമുള്ള തോതിൽ ക്രമീകരിക്കണമെന്നാണ് നിർദ്ദേശം. ഇതിലൂടെ ഹൃദയ സംബന്ധമായും വൃക്കരോഗത്താലും മരിക്കുന്നവരുടെ എണ്ണത്തിൽ 10 വർഷത്തിനുള്ളിൽ മൂന്ന് ലക്ഷത്തിൻ്റെ കുറവ് വരുത്താനാവുമെന്ന് ലോകാരോഗ്യ സംഘടനയുടെ മോഡലിംഗ് പഠനം കണക്കാക്കുന്നു.
ഉയർന്ന അളവിലുള്ള സോഡിയം (ഉപ്പിൻ്റെ ഒരു ഘടകം) മരണത്തിലേക്കും വൈകല്യത്തിലേക്കും എത്തിക്കും. ഉയർന്ന വരുമാനമുള്ള രാജ്യങ്ങളിൽ സോഡിയം ഉപഭോഗത്തിൻ്റെ പ്രധാന ഉറവിടമാണ് പാക്കേജുചെയ്ത ഭക്ഷണങ്ങൾ. താഴ്ന്ന, ഇടത്തരം വരുമാനമുള്ള രാജ്യങ്ങളിലും ഇത് കൂടുതലായി വരുന്നുണ്ട്.
നിയന്ത്രിത അളവിൻ്റെ ഇരട്ടി കഴിക്കുകയും പാക്കേജുചെയ്ത ഭക്ഷണങ്ങളുടെ അളവ് വർദ്ധിപ്പിക്കുകയും ചെയ്തിട്ടും സോഡിയം കുറയ്ക്കുന്നതിന് ഇന്ത്യയ്ക്ക് ദേശീയ തന്ത്രമൊന്നുമില്ലെന്ന് ഗവേഷകർ പറഞ്ഞു.
About the Author
