അത്തോളി : ഇടതുമുന്നണി ബാലുശ്ശേരി മണ്ഡലം സ്ഥാനാർഥി അഡ്വ. കെ. എം സച്ചിൻ ദേവ് മണ്ഡലത്തിൽ പ്രചാരണത്തിന് തുടക്കം കുറിച്ചു.
ഞായറാഴ്ച വൈകീട്ട് സി.പി.എം സംസ്ഥാന സെക്രട്ടറി എം.വി ഗോവിന്ദൻ മാസ്റ്റർ സ്ഥാനാർഥികളെ ഔദ്യോഗികമായി പ്രഖ്യാപിച്ചതിനെ തുടർന്ന്
വൈകുന്നേരം 6 മണിക്ക് പുനൂരിൽ നിന്ന് റോഡ് ഷോ ആരംഭിച്ചു. പ്രധാന കേന്ദ്രങ്ങളിലെ അങ്ങാടികളിലും വ്യാപാര സ്ഥാപനങ്ങളിലും കയറിയിറങ്ങി വോട്ടഭ്യർഥിച്ചു.
പുനൂർ, ഉണ്ണികുളം, കരുമല, വട്ടോളി, ബാലുശ്ശേരി, തൃക്കുറ്റിശ്ശേരി, കൂട്ടാലിട , കോട്ടൂർ, നടുവണ്ണൂർ, തെരുവത്ത് കടവ്, ഉള്ള്യേരി, മൊടക്കല്ലൂർ എന്നിവിടങ്ങളിലെ സ്വീകരണ ശേഷം റോഡ് ഷോ അത്തോളിയിൽ സമാപിച്ചു. അത്തോളിയിൽ നടന്ന സ്വീകരണ പരിപാടിക്ക് സി.പി. എം ലോക്കൽ സെക്രട്ടറി പി. എം ഷാജി, എം. ജയകൃഷ്ണൻ മാസ്റ്റർ എന്നിവര് നേതൃത്വം നൽകി
About the Author
