കോഴിക്കോട്: കാപ്പാട് റബീഉല് അവ്വല് മാസപ്പിറവി കണ്ടതിന്റെ അടിസ്ഥാനത്തില് നാളെ (25/08/2025 തിങ്കള്) റബീഉല് അവ്വല് ഒന്നും നബിദിനം സെപ്തംബർ 5നും (വെള്ളിയാഴ്ച) ആയിരിക്കുമെന്ന് ഖാസിമാരായ സമസ്ത കേരള ജംഇയ്യത്തുല് ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്, സമസ്ത ജനറല് സെക്രട്ടറി പ്രൊഫ. കെ. ആലിക്കുട്ടി മുസ്ലിയാര്, കോഴിക്കോട് ഖാസി സയ്യിദ് മുഹമ്മദ് കോയ തങ്ങള് ജമലുല്ലൈലി, പാണക്കാട് സയ്യിദ് സ്വാദിഖ് അലി ശിഹാബ് തങ്ങളുടെ നാഇബ് കൂടിയായ കോഴിക്കോട് ഖാസി സയ്യിദ് നാസര്ഹയ്യ് ശിഹാബ് തങ്ങള് എന്നിവര് അറിയിച്ചു.
മീലാദു ശരീഫ് വെള്ളിയാഴ്ച
കോഴിക്കോട് :സഫർ 29 ഞായറാഴ്ച റബീഉൽ അവ്വൽ മാസപ്പിറവി കണ്ടതായി വിശ്വസനീയ വിവരം ലഭിച്ചതിനാൽ തിങ്കളാഴ്ച (ഓഗസ്റ്റ് 25) റബീഉൽ അവ്വൽ ഒന്നും അതനുസരിച്ച് മീലാദു ശരീഫ് (റബീഉൽ അവ്വൽ 12)സെപ്റ്റംബർ അഞ്ച് വെള്ളിയാഴ്ചയു മായിരിക്കുമെന്ന് സംയുക്ത മഹല്ല് ജമാഅത് ഖാസിമാരായ കാന്തപുരം എപി അബൂബക്കർ മുസ്ലിയാർ,സയ്യിദ് ഇബ്രാഹീമുൽ ഖലീൽ അൽ ബുഖാരി എന്നിവർ അറിയിച്ചു.
About the Author
