കോഴിക്കോട് ഗവ. എഞ്ചിനീയറിംഗ് കോളേജില് 2024-25 അദ്ധ്യയന വര്ഷത്തേക്ക് ഇലക്ട്രോണിക്സ് ആന്റ് കമ്മ്യൂണിക്കേഷന് എഞ്ചിനീയറിംഗ് വിഭാഗത്തില് അസി. പ്രൊഫസര് തസ്തികയില് ദിവസ വേതനാടിസ്ഥാനത്തില് താല്ക്കാലിക നിയമനം നടത്തുന്നു.
ഉദ്യോഗാര്ത്ഥികള്ക്ക് എഐസിടിഇ, കേരള പി എസ് സി നിഷ്കര്ഷിക്കുന്ന വിദ്യാഭ്യാസ യോഗ്യതകള് ഉണ്ടായിരിക്കണം. അസ്സല് സര്ട്ടിഫിക്കറ്റുകളുമായി ഫെബ്രുവരി 17 ന് രാവിലെ 10.30 ന് സ്ഥാപനത്തില് നേരിട്ട് എത്തണം. ഫോണ്: 0495-2383210
സെക്യൂരിറ്റി ഗാര്ഡ് നിയമനം
കോഴിക്കോട് ഗവ. മെഡിക്കല് കോളേജ് ആശുപത്രി വികസന സൊസൈറ്റിക്ക്
കീഴില് 755 രൂപ ദിവസ വേതനാടിസ്ഥാനത്തില് ഒരു വര്ഷത്തേക്ക് അരോഗദൃഢഗാത്രരായ വിമുക്ത ഭടന്മാരെ താല്കാലികമായി സെക്യൂരിറ്റി ഗാര്ഡ് തസ്തികയില് നിയമനം നടത്തുന്നു. പ്രായ പരിധി; 56 ൽ താഴെ. ഉദ്യോഗാര്ത്ഥികള് ഫെബ്രുവരി 19 ന് രാവിലെ ഒന്പതിനകം അസ്സല് രേഖകള് സഹിതം കോഴിക്കോട് ആശുപത്രി വികസന സൊസൈറ്റി ഓഫീസില് എത്തണം. ഫോണ്: 0495-2355900
ജര്മ്മനിയില് ഇലക്ട്രീഷ്യന് ഒഴിവുകള്
ജര്മ്മനിയിലെ ഇലക്ട്രീഷ്യന്മാരുടെ 20 ഓളം ഒഴിവുകളിലേയ്ക്ക് സംസ്ഥാന സര്ക്കാര് സ്ഥാപനമായ നോര്ക്ക റൂട്ട്സ് വഴി ഇപ്പോള് അപേക്ഷിക്കാം. ജർമൻ സര്ക്കാറിന്റെ ഹാൻഡ് ഇൻ ഹാൻഡ് ഫോർ ഇന്റർനാഷണൽ ടാലന്റ്സ് (HiH) പ്രോഗ്രമിന്റെ ഭാഗമായി ഇൻഡോ-ജർമൻ ചേംബർ ഓഫ് കൊമേഴ്സുമായി സഹകരിച്ചാണ് റിക്രൂട്ട്മെന്റ്. ഇലക്ട്രിക്കൽ അല്ലെങ്കിൽ ഇലക്ട്രോണിക്സില് അംഗീകൃത ഡിപ്ലോമ/ഐ.ടി.ഐ (ITI)/ബി.ടെക്ക് വിദ്യാഭ്യസയോഗ്യതയും രണ്ടു മുതല് അഞ്ചു വര്ഷം വരെ പ്രവൃത്തിപരിചയവും, ഇംഗ്ലീഷ് ഭാഷാ പരിജ്ഞാനവും ഉളളവര്ക്ക് അപേക്ഷിക്കാം. 10 വര്ഷത്തിലധികം പ്രവൃത്തിപരിചയമുളളവര് അപേക്ഷിക്കേണ്ടതില്ല. ഇലക്ട്രിക്കൽ & കൺട്രോൾ എഞ്ചിനീയറിംഗ്, മെഷിന് സേഫ്റ്റി മേഖലകളില് തൊഴില് നൈപുണ്യമുളളവരുമാകണം അപേക്ഷകര്. ജര്മ്മന് ഭാഷാ യോഗ്യതയുളളവര്ക്ക് (A1,A2,B1,B2) മുന്ഗണന ലഭിക്കുന്നതാണ്. വിശദമായ CV യും വിദ്യാഭ്യാസം, പ്രവൃത്തിപരിചയം, പാസ്സ്പോര്ട്ട്, ഭാഷായോഗ്യത പരിക്ഷയുടെ ഫലം (ബാധകമെങ്കില്) എന്നിവയുടെ പകര്പ്പുകള് സഹിതം www.norkaroots.orgwww.nifl.norkaroots.org എന്നീ വെബ്ബ്സൈറ്റുകൾ സന്ദര്ശിച്ച് 2025 ഫെബ്രുവരി 24 നകം അപേക്ഷ നല്കണമെന്ന് നോർക്ക റൂട്ട്സ് ചീഫ് എക്സിക്യൂട്ടീവ് ഓഫീസർ അജിത് കോളശ്ശേരി അറിയിച്ചു.
12 മാസത്തോളം നീളുന്ന ബി-വണ് (B1) വരെയുളള ജര്മ്മന് ഭാഷാപഠനത്തിനും, കുറഞ്ഞത് അഞ്ച് വർഷത്തേക്കെങ്കിലും ജർമനിയില് താമസിക്കാന് തയ്യാറാകുന്നവരുമാകണം അപേക്ഷകര്. ജര്മ്മനിയിലെ ജോബ് മാര്ക്കറ്റിന് ആവശ്യമായ ഉദ്യോഗാര്ത്ഥികളെ കണ്ടെത്തുന്നതിനുളള സുരക്ഷിതവും ചൂഷണരഹിതവുമായ റിക്രൂട്ട്മെന്റ് പ്രോഗ്രാമാണ് (HiH). ബി-വണ് വരെയുളള ജര്മ്മന് ഭാഷാപരിശീലനം, യോഗ്യതകളുടെ അംഗീകാരത്തിനുളള നടപടിക്രമങ്ങള്, വിസ പ്രോസസ്സിംഗ്, ജോബ് മാച്ചിങ്ങ്, അഭിമുഖങ്ങള്, ജർമ്മനിയിലേക്കെത്തിയശേഷമുളള ഇന്റഗ്രേഷൻ, താമസ സൗകര്യം, കുടുംബാംഗങ്ങളെ കൊണ്ടുപോകുന്നതിനുളള സഹായം എന്നിവയെല്ലാം പദ്ധതിവഴി ഉദ്യോഗാര്ത്ഥികള്ക്ക് ലഭിക്കുന്നു. ഇതുവഴിയുളള റിക്രൂട്ട്മെന്റ് ഉദ്യോഗാര്ത്ഥികള്ക്ക് സൗജന്യമാണ്. കൂടുതല് വിവരങ്ങള്ക്ക് നോര്ക്ക റൂട്ട്സ് റിക്രൂട്ട്മെന്റ് വിഭാഗത്തിന്റെ 0471-2770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്) 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
About the Author
