കണ്ണൂര്: ജയില് ചാടിയ
സൗമ്യ വധക്കേസ് പ്രതി ഗോവിന്ദച്ചാമി പിടിയിൽ. കണ്ണൂർ തളാപ്പിലെ ഒരു കിണറ്റിൽ നിന്നാണ് ഇയാളെ പൊലീസ് പൊക്കിയെടുത്തത്. പ്രതിക്ക് വേണ്ടി പൊലീസ് വ്യാപകമായ തിരച്ചിൽ നടത്തിവരികയായിരുന്നു.
ഇന്ന് പുലർച്ചെയാണ് ഗോവിന്ദച്ചാമി കണ്ണൂര് സെന്ട്രല് ജയിലില് നിന്ന് ചാടിയത്.
സൗമ്യാ വധക്കേസില് ഗോവിന്ദച്ചാമിക്ക് ആദ്യം വധശിക്ഷ വിധിച്ചിരുന്നു. പിന്നീട് ശിക്ഷ ജീവപര്യന്തമായി കുറയ്ക്കുകയായിരുന്നു.
2011 ഫെബ്രുവരി ഒന്നിന് എറണാകുളത്ത് നിന്നും ഷൊര്ണ്ണൂരിലേക്കുള്ള ട്രെയിനിലെ വനിതാ കംപാര്ട്ട്മെന്റില് വെച്ചാണ് സൗമ്യ ആക്രമിക്കപ്പെടുന്നത്. ഗോവിന്ദച്ചാമി ട്രെയിനില് നിന്നും തള്ളിയിട്ട് ക്രൂരമായി പീഡിപ്പിച്ച് കൊലപ്പെടുത്തുകയായിരുന്നു.
2016 ലാണ് ഗോവിന്ദ ഗോവിന്ദച്ചാമിയുടെ വധശിക്ഷ സുപ്രീംകോടതി റദ്ദാക്കിയത്. കൊലപാതകം സംശയാതീതമായി തെളിയിക്കാനായില്ലെന്ന് നിരീക്ഷിച്ചായിരുന്നു ഹൈക്കോടതിയുടെ ശിക്ഷാവിധി സുപ്രീംകോടതി റദ്ദാക്കിയത്. എന്നാല് ബലാത്സംഗം നടന്നതായി ബോധ്യപ്പെടുകയും ഹൈക്കോടതി നല്കിയ ജീവപര്യന്തം ശിക്ഷയും മറ്റുവകുപ്പുകള് പ്രകാരമുള്ള ശിക്ഷകള് നിലനില്ക്കുമെന്നും കോടതി വിധിന്യായത്തില് വ്യക്തമാക്കിയിരുന്നു
About the Author
