ഇന്ത്യൻ ബഹിരാകാശ സഞ്ചാരി സുനിത വില്യംസും സംഘവും അന്താരാഷ്ട്ര ബഹിരാകാശ നിലയത്തിൽ ക്രിസ്മസ് ആഘോഷത്തിൽ പങ്കാളിയാവുന്ന ദൃശ്യം നാസ സാമൂഹ്യ മാധ്യമത്തിൽ പങ്കുവെച്ചു.
അടുത്തിടെ സ്പേസ്എക്സ് ഡ്രാഗൺ റീസപ്ലൈ മിഷൻ്റെ സഹായത്തോടെ, ആഘോഷത്തിന് ആവശ്യമായ സാധനങ്ങൾ എത്തിച്ചു നൽകിയിരുന്നു. ഏറെ ദൂരത്തു നിന്നും പ്രിയപ്പെട്ടവരുമായി ബന്ധം നിലനിർത്താനായതിൽ സുനിത വില്യംസ് തൻ്റെ സന്തോഷം പ്രകടിപ്പിച്ചു.
ഞങ്ങൾ ക്രിസ്മസ് ആഘോഷത്തിന് തയ്യാറെടുക്കുമ്പോൾ, ഞങ്ങളുടെ എല്ലാ കുടുംബാംഗങ്ങളുമായും ചെലവഴിക്കാനുള്ള മികച്ച സമയമാണിത്,” ബഹിരാകാശ നിലയത്തിൽ ചിത്രീകരിച്ച വീഡിയോയിൽ അവർ പറഞ്ഞു.
“ഞങ്ങൾ ഏഴുപേർ ഇവിടെയുണ്ട്, ഞങ്ങൾ ഒരുമിച്ച് ആസ്വദിക്കാൻ പോകുന്നു. ക്രിസ്മസിൽ ഞാൻ ഇഷ്ടപ്പെടുന്ന കാര്യമാണ് ഒരുക്കങ്ങളും പ്രതീക്ഷയും. എല്ലാവരും അവധി ആഘോഷത്തിനായി ഒത്തുചേരുകയാണ്”.
ഭൂമിയിൽ നിന്ന് എത്തിച്ച പുത്തൻ സാധനങ്ങൾ ഉപയോഗിച്ച് നിർമ്മിച്ച പ്രത്യേക ഭക്ഷണം കഴിക്കാൻ ഒരുങ്ങുന്ന ദൃശ്യം അവർ പങ്കുവെച്ചു.
ലോകം ക്രിസ്മസ് ആഘോഷിക്കാൻ തയ്യാറെടുക്കുമ്പോൾ, അസാധാരണമായ സാഹചര്യങ്ങളിലും പാരമ്പര്യങ്ങളെ ജീവസുറ്റതാക്കുന്ന ബഹിരാകാശയാത്രികരുടെ പ്രതിരോധശേഷിയും ഊഷ്മളതയും സുനിത വില്യംസ് പ്രകടിപ്പിച്ചു. ആഘോഷങ്ങൾക്ക് അതിരുകളില്ലെന്ന് വീഡിയോ വ്യക്തമാക്കുന്നു.
എട്ട് ദിവസത്തേക്ക് ആദ്യം നിശ്ചയിച്ചിരുന്ന സുനിത വില്യംസിൻ്റെയും ടീമിൻ്റെയും ബഹിരാകാശ ദൗത്യം തിരികെയെത്താനുള്ള സാകേതിക തടസ്സം കാരണം നീട്ടിയിരിക്കുകയാണ്. 2025 മാർച്ചിൽ തിരിച്ചെത്തുമെന്നാണ് പ്രതീക്ഷിക്കുന്നത്. 2024 ജൂണ് 5നാണ് സുനിത വില്യംസും ബുച്ച് വില്മോറും സ്റ്റൈര്ലൈനര് പേടകത്തില് അന്താരാഷ്ട്ര ബഹിരാകാശ നിലയത്തിലേക്ക് യാത്ര തിരിച്ചത്.
About the Author
