അത്തോളി: കൊടശ്ശേരി ഖാദി വസ്ത്രാലയത്തിൽ ഓണം വിപണനമേള തുടങ്ങി. ഖാദി വസ്ത്രങ്ങൾക്ക് 30 ശതമാനം റിബേറ്റ് ലഭിക്കും. സർക്കാർ, അർദ്ധ സർക്കാർ ജീവനക്കാർക്ക് ക്രെഡിറ്റ് സൗകര്യമുണ്ട്. ഓണം വരെ എല്ലാ അവധി ദിനങ്ങളിലും തുറന്നു പ്രവർത്തിക്കുന്നതാണ്.
സമ്മാനകൂപ്പൺ വഴി നറുക്കെടുപ്പിലൂടെ കൈനിറയെ സമ്മാനങ്ങളും ഏർപ്പെടുത്തിയിട്ടുണ്ട്.
അത്തോളി ഗ്രാമപഞ്ചായത്ത് പ്രസിഡണ്ട് ബിന്ദു രാജൻ ഉദ്ഘാടനം ചെയ്തു. വാർഡ് മെമ്പർ വാസവൻ പൊയിലിൽ അദ്ധ്യക്ഷതവഹിച്ചു. ആദ്യ വില്പന ആയുർവേദ മെഡിക്കൽ ഓഫീസർ ഡോ.വിജയലക്ഷ്മി ഏറ്റുവാങ്ങി. ബ്ലോക്ക് പഞ്ചായത്ത് മെമ്പർ ബിന്ദു മഠത്തിൽ, വികസന സമിതി ചെയർ പേർസൺ ഷീബാ രാമചന്ദ്രൻ, ആർ.കെ.രവീന്ദ്രൻ എന്നിവർ ആശംസ അർപ്പിച്ച് സംസാരിച്ചു.
കോഴിക്കോട് സർവ്വോദയം സെക്രട്ടറി എം.കെ.ശ്യാം പ്രസാദ് സ്വാഗതവും കൊടശ്ശേരി ഖാദി വസ്ത്രാലയം മാനേജർ ജിഷാ വാസുദേവൻ നന്ദിയും പറഞ്ഞു.
About the Author
